តើអ្នកធ្លាប់បាត់បង់ទឹកចិត្តលែងចង់ធ្វើអ្វីផ្សេងៗ បន្ទាប់ពីជួបរឿងមិនល្អដូចជាបញ្ហាបរាជ័យនានាដែរ ឬទេ?ហើយពេលបាត់បង់ទឹកចិត្តកើតទុក្ខគ្មានអ្នកណាជួយលើកទឹកចិត្តតើអ្នកមានអារម្មណ៍យ៉ាងណា? បើគ្មានអ្នកណាជួយជម្រុញទឹកចិត្តទេនៅចាំកើតទុក្ខដល់ណាម៉េចក៏មិនលើកទឹកចិត្តខ្លួនឯងវិញទៅ? ដើម្បីឱ្យអ្នកយល់ដឹងពីការលើកទឹកចិត្តខ្លួនឯងបាន ។
ចូរអ្នកអនុវត្តតាមចំណុច៨ នេះ :
១. ចាប់ផ្ដើមធ្វើអ្វីដែលសាមញ្ញនិងនៅជិតមនុស្សល្អៗ៖
កិច្ចការសាមញ្ញងាយៗនិងនៅក្បែរមនុស្សដែលល្អៗ អាចឱ្យអ្នកស្វាងគំនិតនិងចាប់ផ្ដើមធ្វើឱ្យកិច្ចការផ្សេងៗ ដោយវិធីសាមញ្ញតែសប្បាយចិត្ត។
២. រក្សាទំនាក់ទំនងល្អជាមួយមនុស្សល្អឱ្យបានច្រើន៖
អ្នកត្រូវបង្កើននិងរក្សាទំនាក់ទំនងជិតស្និទ្ធល្អៗជាមួយនឹងមនុស្សល្អឱ្យបានច្រើនព្រោះថាមនុស្សល្អៗអាចជួយជម្រុញឱ្យអ្នកធ្វើកិច្ចការផ្សេងៗកាន់តែល្អជាងមុន។
៣. រៀនជានិច្ច៖
អ្វីៗនៅជុំវិញខ្លួនសុទ្ធតែជាមេរៀនទាំងអស់លោកអាចសិក្សាវត្ថុទាំងនោះឬក៏អានសៀវភៅល្អៗគំនិតដែលបានមកពីការសិក្សារបស់ជុំវិញខ្លួននិងការអានសៀវភៅល្អៗអាចជាទុនដ៏សំខាន់ក្នុងការបង្កើតនិងអនុវត្តគម្រោងណាមួយ។
៤. រក្សាភាពសុទិដ្ឋិនិយមជានិច្ច៖
មនុស្សដែលមានសុទិដ្ឋិនិយមក្នុងខ្លួនជាមនុស្សដែលរីករាយបំផុតពេលដែលអ្នករីករាយមិនថាឧបសគ្គនោះយ៉ាងម៉េចទេអ្នកប្រាកដជាអាចដោះស្រាយបានទាំងអស់។
៥. ឈប់គិតពីរឿងឥតប្រយោជន៍៖
ចំណាយពេលគិតរឿងឥតប្រយោជន៍មិនជួយអ្វីអ្នកបានទេតែវាកាន់តែធ្វើឱ្យអ្នកស្មុគស្មាញទៅវិញ។
៦. ស្គាល់ខ្លួនឯងច្បាស់៖
មនុស្សដែលមិនស្គាល់ខ្លួនឯងច្បាស់មិនអាចមានថាមពលលើកទឹកចិត្តខ្លួនឡើយ។
៧. កត់សម្គាល់ពីការអភិវឌ្ឍកិច្ចការ៖
រាល់កិច្ចការដែលបានធ្វើអ្នកត្រូវកត់ត្រាវាទុកលទ្ធផលល្អអាចធ្វើឱ្យអ្នកសប្បាយចិត្តនិងកាន់តែធ្វើឱ្យល្អជាងមុនទៀត។ ឯលទ្ធផលអវិជ្ជមានវិញអាចធ្វើឱ្យអ្នកស្វែងយល់ពីចំណុចអវិជ្ជមានទាំងនោះនិងខិតខំកែច្នៃវាឱ្យល្អឡើងវិញ។
៨. ជួយអ្នកដទៃ៖
ការចែករំលែកគំនិតល្អៗជួយទុក្ខធុរៈអ្នកដទៃនិងជួយលើកទឹកចិត្តអ្នកដែលមានបញ្ហាអាចធ្វើឱ្យអ្នកបានយល់ពីតម្លៃនៃការលើកទឹកចិត្តនិងខិតខំធ្វើឱ្យខ្លួនឯងមានអារម្មណ៍ល្អថែមទៀត។
ក្រៅពីចំណុចទាំង៨នេះប្រាកដជាមានវិធីសាស្ត្រផ្សេងៗទៀតជាមិនខានដើម្បីលើកទឹកចិត្តខ្លួនឯងនោះ។ ហើយត្រូវចាំថា “បើគ្មានអ្នកណាលើកទឹកចិត្តអ្នកទេ អ្នកត្រូវចេះលើកទឹកចិត្តខ្លួនឯង” ហើយមិនត្រូវបាក់ទឹកចិត្តឡើយបើសិនជាជួបនឹងបញ្ហាជីវិតផ្សេងៗនោះ។
អត្ថបទ៖ ជួន សុធា
