(រ៉យទ័រ)៖ ជប៉ុនបានព្រមព្រៀងជាមួយសហរដ្ឋអាមេរិកដើម្បីពន្លឿនការចរចាលើកិច្ចព្រមព្រៀងដំបូងក្រោមកញ្ចប់វិនិយោគ 550 ពាន់លានដុល្លាររបស់ជប៉ុន ខណៈដែលបញ្ហាមួយចំនួននៅតែត្រូវដោះស្រាយ នេះបើយោងតាមរដ្ឋមន្ត្រីពាណិជ្ជកម្ម Ryosei Akazawa បាននិយាយកាលពីថ្ងៃព្រហស្បតិ៍។ លោក Akazawa បានប្រាប់អ្នកយកព័ត៌មាននៅទីក្រុងវ៉ាស៊ីនតោនថា "ដោយសារនៅតែមានតំបន់ដែលជប៉ុននិងសហរដ្ឋអាមេរិកត្រូវការសម្របសម្រួលបន្ថែមទៀតយើងបានយល់ព្រមធ្វើការយ៉ាងជិតស្និទ្ធជាមួយគ្នាដើម្បីអភិវឌ្ឍគម្រោង"។

ជប៉ុនស្ថិតនៅក្រោមសម្ពាធដើម្បីជំរុញឱ្យលឿនជាងមុនលើការអនុវត្តកញ្ចប់វិនិយោគដែលបានព្រមព្រៀងគ្នាជាផ្នែកមួយនៃកិច្ចព្រមព្រៀងរបស់ទីក្រុងតូក្យូជាមួយទីក្រុងវ៉ាស៊ីនតោនដើម្បីបន្ថយពន្ធលើការនាំចេញរបស់ជប៉ុន។ នៅពេលសួរអំពីបញ្ហាដែលត្រូវដោះស្រាយ លោក Akazawa បាននិយាយថា វាត្រូវការពេលវេលាដើម្បីវាយតម្លៃរង្វាស់ផ្សេងៗ ដូចជាអត្រាការប្រាក់ដែលបានព្យាករណ៍សម្រាប់គម្រោងនីមួយៗ។

លោក Akazawa បាននិយាយថា "ដោយសារតែរឿងនោះការចរចាបានក្លាយជាការលំបាកខ្លាំងណាស់។ ខ្ញុំមិនអាចនិយាយបាននៅពេលនេះថាពេលណា ឬគម្រោងប្រភេទណាដែលនឹងត្រូវបានបញ្ចប់នោះទេ" ដោយបន្ថែមថាការចរចាកំពុងត្រូវបានធ្វើឡើងជាមួយនឹងដំណើរទស្សនកិច្ចរបស់នាយករដ្ឋមន្ត្រី Sanae Takaichi នៅសហរដ្ឋអាមេរិកដែលបានគ្រោងទុកដើម្បីធានាថាវាមានផ្លែផ្កា។

ប្រធានាធិបតី ដូណាល់ ត្រាំ កំពុងគំរាមកំហែងដំឡើងពន្ធលើកូរ៉េខាងត្បូងដែលលោកចោទប្រកាន់ថាបានពន្យារពេលការអនុម័តកិច្ចព្រមព្រៀងស្រដៀងគ្នានេះដែលសម្រេចបានកាលពីឆ្នាំមុន។ កញ្ចប់វិនិយោគរបស់ប្រទេសជប៉ុននឹងរួមបញ្ចូលភាគហ៊ុន ប្រាក់កម្ចី និងការធានាប្រាក់កម្ចីពីភ្នាក់ងាររដ្ឋ ធនាគារជប៉ុនសម្រាប់កិច្ចសហប្រតិបត្តិការអន្តរជាតិ (JBIC) និងក្រុមហ៊ុនធានារ៉ាប់រងនាំចេញ និងវិនិយោគនីបផុន (NEXI)។

ប្រែសម្រួលដោយ៖ សុធា

ប្រភព៖ Reuters