[ហ្សាការតា]៖ ថ្ងៃទី 20 ខែកុម្ភៈ ឥណ្ឌូនេស៊ី និងសហរដ្ឋអាមេរិកបានចុះហត្ថលេខាលើកិច្ចព្រមព្រៀងស្តីពីពាណិជ្ជកម្មទៅវិញទៅមក នេះបើយោងតាមក្រសួងសេដ្ឋកិច្ចឥណ្ឌូនេស៊ីបាននិយាយនៅថ្ងៃសុក្រនេះ។ ការចុះហត្ថលេខាលើកិច្ចព្រមព្រៀងដោយរដ្ឋមន្ត្រីសេដ្ឋកិច្ចជាន់ខ្ពស់របស់ឥណ្ឌូនេស៊ី លោក Airlangga Hartarto និងតំណាងពាណិជ្ជកម្មសហរដ្ឋអាមេរិក លោក Jamieson Greer បានកើតឡើងបន្ទាប់ពីការចរចាអស់រយៈពេលជាច្រើនខែ បន្ទាប់ពីទីក្រុងវ៉ាស៊ីនតោនកាលពីឆ្នាំមុនបានយល់ព្រមកាត់បន្ថយការនាំចេញរបស់ឥណ្ឌូនេស៊ីទៅកាន់សហរដ្ឋអាមេរិកមកត្រឹម 19% ធ្លាក់ចុះពីអត្រាដំបូង 32%។
ព័ត៌មានលម្អិតនៃកិច្ចព្រមព្រៀងមិនត្រូវបានរាប់បញ្ចូលក្នុងសេចក្តីថ្លែងការណ៍នោះទេ។
ប្រធានាធិបតីឥណ្ឌូនេស៊ី លោក Prabowo Subianto បានធ្វើដំណើរទៅកាន់ទីក្រុងវ៉ាស៊ីនតោនសម្រាប់កិច្ចព្រមព្រៀង និងដើម្បីចូលរួមកិច្ចប្រជុំថ្នាក់ដឹកនាំលើកដំបូងនៃក្រុមប្រឹក្សាសន្តិភាពរបស់ប្រធានាធិបតីអាមេរិក លោក Donald Trump។
លោក Prabowo និងលោក Trump នៅថ្ងៃសុក្រ នេះបានចុះហត្ថលេខាលើឯកសារមួយដែលមានចំណងជើងថា 'ការអនុវត្តកិច្ចព្រមព្រៀងឆ្ពោះទៅរកយុគសម័យមាសថ្មីសម្រាប់សម្ព័ន្ធភាពសហរដ្ឋអាមេរិក-ឥណ្ឌូនេស៊ី' ដែលសេតវិមានបាននិយាយថា "នឹងជួយប្រទេសទាំងពីរពង្រឹងសន្តិសុខសេដ្ឋកិច្ច លើកកម្ពស់កំណើនសេដ្ឋកិច្ច និងដោយហេតុនេះនាំឱ្យមានវិបុលភាពសកលជាបន្តបន្ទាប់"។
កាលពីដើមសប្តាហ៍នេះ ក្រុមហ៊ុនឥណ្ឌូនេស៊ី និងសហរដ្ឋអាមេរិកបានចុះហត្ថលេខាលើកិច្ចព្រមព្រៀងដែលមានតម្លៃ ៣៨,៤ ពាន់លានដុល្លារ។
ប្រែសម្រួលដោយ៖ សុធា
ប្រភព៖ Reuters
