ការទទួលទានរបបអាហារដែលត្រឹមត្រូវ គឺជាវិធីសាស្ត្រដ៏ប្រសើរក្នុងការថែរក្សាសុខភាពខួរក្បាល និងបង្កើនសមត្ថភាពចងចាំ។ ទាំងនេះគឺជាបញ្ជីអាហារដែលត្រូវបានអ្នកវិទ្យាសាស្ត្រ និងអ្នកជំនាញអាហារូបត្ថម្ភទទួលស្គាល់ថាមានប្រសិទ្ធភាពបំផុតសម្រាប់ខួរក្បាល។ ការបរិភោគត្រីដែលមានជាតិខ្លាញ់ត្រីដូចជា ត្រីសាល់ម៉ុននិងត្រីធូណាសំបូរទៅដោយ អាស៊ីតខ្លាញ់អូមេហ្គា-៣ ។ ហេតុអ្វីបានជាវាល្អ? ខួរក្បាលរបស់យើងប្រមាណ ៦០% ផ្សំឡើងពីជាតិខ្លាញ់ ហើយពាក់កណ្តាលនៃជាតិខ្លាញ់នោះគឺជាប្រភេទអូមេហ្គា-៣ វាជួយបង្កើតកោសិកាសរសៃប្រសាទនិងជួយដល់ការរៀនសូត្រ។

ចំពោះការបរិភោគផ្លែ ប៊្លូប៊ឺរី និងស្ត្រប៊ឺរី វិញគឺមានផ្ទុកសារធាតុ Anthocyanin ដែលជាភ្នាក់ងារប្រឆាំងអុកស៊ីតកម្ម វាជួយកាត់បន្ថយការរលាកក្នុងខួរក្បាល និងពន្យារភាពចាស់នៃកោសិកាខួរក្បាលដែលជួយឱ្យការចងចាំរវីរវសបានយូរ។ ចំណែកការបរិភោគបន្លែបៃតង ដូចជា ស្ពៃពួយឡេង និងខាត់ណាខៀវ សំបូរទៅដោយវីតាមីន K Lutein និង Folateផងដែរ។ វាជួយពន្យារការចុះខ្សោយនៃសមត្ថភាពយល់ដឹង និងជួយឱ្យខួរក្បាលមានភាពឆ្លាតវៃរបស់យើង។

ម្យ៉ាងទៀតនោះគឺគ្រាប់ធញ្ញជាតិ និងគ្រាប់ផ្លែឈើដូចជា គ្រាប់វ៉ាល់ណាត់ គ្រាប់ល្ពៅ និងគ្រាប់អាល់ម៉ុន សំបូរទៅដោយវីតាមីន E និងជាតិខ្លាញ់ល្អ ហើយវីតាមីន E ជួយការពារកោសិកាខួរក្បាលពីការបំផ្លាញដោយរ៉ាឌីកាល់សេរី និងជួយការពារជំងឺវង្វេងវង្វាន់បានទៀតផង។ ចំណែកឯការបរិភោគស៊ុតវិញ គឺជាប្រភពដ៏ល្អនៃវីតាមីន B6 B12 និង Choline ហើយCholine គឺជាសារធាតុចិញ្ចឹមដ៏សំខាន់ដែលរាងកាយប្រើដើម្បីបង្កើត Acetylcholine ដែលជាសារធាតុចម្លងសរសៃប្រសាទជួយគ្រប់គ្រងអារម្មណ៍និងការចងចាំ។ លើសពីនេះទៅទៀត ការពិសាកាហ្វេ និងតែបៃតង គឺជាតិកាហ្វេអ៊ីន និងសារធាតុប្រឆាំងអុកស៊ីតកម្មនៅក្នុងភេសជ្ជៈទាំងនេះជួយដល់ខួរក្បាលក្នុងរយៈពេលខ្លី និងវែង និងជួយបង្កើនការផ្ដោតអារម្មណ៍ និងជួយឱ្យខួរក្បាលមានភាពស្វាហាប់ថែមទៀតផង។

*គន្លឹះបន្ថែមសម្រាប់ការចងចាំ៖

ការផឹកទឹកឱ្យបានគ្រប់គ្រាន់៖ ការខ្វះជាតិទឹកអាចធ្វើឱ្យអ្នកងាយនឹងភ្លេចភ្លាំង និងពិបាកផ្ដោតអារម្មណ៍។

គេងឱ្យបានស្កប់ស្កល់៖ ការគេងគឺជាពេលមួយដែលខួរក្បាលរៀបចំ និងរក្សាទុកព័ត៌មានដែលអ្នកបានរៀនពេញមួយថ្ងៃ។

អត្ថបទដោយ៖ សុធា