ប្រធានាធិបតីវេណេស៊ុយអេឡា លោក Nicolás Maduro បានចោទប្រកាន់សហរដ្ឋអាមេរិកថាកំពុងតែស្វែងរកការផ្លាស់ប្ដូររបបដឹកនាំរបស់លោក បន្ទាប់ពីប្រធានាធិបតីអាមេរិកលោក Donald Trump បានអនុញ្ញាតឲ្យមានការពង្រាយកងទ័ពជើងទឹកនៅសមុទ្រការីបប៊ីន ដែលជាផ្លូវការគឺដើម្បីរារាំងក្រុមជួញដូរគ្រឿងញៀន។
លោក Maduro បានហៅការពង្រាយនេះថាជា "ការគំរាមកំហែងជាប្រវត្តិសាស្ត្រ" ហើយបានប្តេជ្ញាថាប្រទេសវ៉េណេស៊ុយអេឡាគឺ "ត្រៀមខ្លួនរួចជាស្រេច"។ រដ្ឋបាលលោក Trump បានចោទប្រកាន់លោក Maduro ថាជាមេជួញដូរគ្រឿងញៀន ហើយថែមទាំងបានផ្តល់រង្វាន់ ៥០លានដុល្លារសម្រាប់ការចាប់ខ្លួនលោកទៀតផង។
មន្ត្រីអាមេរិក រួមទាំងអ្នកនាំពាក្យក្រសួងការពារជាតិលោក Sean Parnell បាននិយាយថាការដាក់ពង្រាយនេះជាផ្នែកមួយនៃកិច្ចខិតខំប្រឹងប្រែងដ៏ទូលំទូលាយដើម្បីប្រយុទ្ធប្រឆាំងនឹងក្រុមជួញដូរដែលបង្កគ្រោះថ្នាក់ដល់សន្តិសុខអាមេរិក និងក្នុងតំបន់ ទោះបីជាពួកគេបានបដិសេធមិនពិភាក្សាពីប្រតិបត្តិការនាពេលអនាគតក៏ដោយ។
